Lacrime e’ cundannate

Sta tutt’o munno sane arrevutate

pe’ Sacco e pe’ Vanzette cundannate

e chi vigliaccamente l’ha ‘nfamate

mai ‘n’ora‘e pace nun ha da truva’

‘A tutt’e part’arrivano

proteste ‘n quantità

facenn’ appello cercano

de farl’ aggrazia’

 

Dopo sett’ann ‘e pena carcerate

tra vita e morte chiste sventurate

mo’ ca ‘a cundanna l’hanno cunfermate

nun c’è sta mezzo pe’ ‘e pote’ salva’

Sulo ‘o governatore

giustizia la po’ ffa

Si Dio ‘o mmette ‘ncore’

a grazzia la farra’

 

So’ state senza core tutte quante

pure e’ giurate ma che ‘nfam’e gente

Non senten’e ragione e’ chi è innucente

Chista nun è giustizia, ma è ‘na viltà

Sti sfortunate chiagnene

so’ rassegnate già

e dint’a cella aspettano

ca Dio l’ha da salva’